Xəbərlər
Üzgüçülərimiz Rio-2016 Yay Paralimpiya Oyunlarına 2 lisenziya qazandılar
2015-07-19

Böyük Britaniyanın, Glazko şəhərində keçirilən üzgüçülük üzrə dünya çempionatı başa çatdı. Yarışların son günündə Azərbaycan Milli Paralimpiya Komitəsinin üzgüçülük idmanı üzrə 2 idmançısı daha 3 medal əldə ediblər. Dmitri Salei 100m delfin(Butterfly) 57.58 saniyə, 50m sərbəst(freestyle) 24.46 saniyə nəticə ilə 3cü, Roman Salei isə 50m sərbəst(freestyle) 24.39 saniyə nəticə ilə 2ci yerə sahib olublar. 
Beləliklə, üzgüçülük üzrə dünya çempionatında paralimpiyaçı idmançılarımız 2 gümüş və 3 bürünc medalla vətənə dönürlər. Qeyd edək ki, hər iki idmançı gələn il Brazilyanın, Rio de Janeiro şəhərində keçiriləcək 2016 Yay Paralimpiya Oyunlarına ikinci lisenziyanı qazanmışlar.

 

Bütün hüquqlar qorunur.Azərbaycan Paralimpiya Komitəsi.2013