Xəbərlər
"Hünərin Gücü" filmi beynəlxalq təqdimatda
2016-06-18

Moskva Dövlət Humanitar İqtisad Universitetində baş tutan mərasimdə diaspor nümayəndələri, Rusiyada fəaliyyət göstərən gənclər təşkilatlarının fəalları, Universitetin müəllim-tələbə kollektivi iştirak edib.

Təqdimatdan öncə Moskva Dövlət Humanitar İqtisad Universiteti rektoru Vaqif Bayramov filmin yaradıcı heyyətini və paralimpiyaçıları qəbul edib. Tədris ocağının rəhbəri Azərbaycan Paralimpiyaçılarının beynəlxalq yarışlarda uğurlu nəticələr əldə etdiyini qeyd edib. Bildirib ki, onlardan Vüsalə Kərimova və Kənan Pirizadə Universitetdə təhsillərini uğurla davam etdirirlər. Kamal Məmmədov isə bu il ali təhsil ocağını qırmızı diplomla bitirib.

Görüşdə çıxış edən paralimpiyaçılar Milli Paralimpiya Komitəsinin prezidenti İlqar Rəhimovun adından göstərilən diqqətə görə, Universitet rəhbərinə minnətdarlıqlarını bildiriblər.

Daha sonra Milli Paralimpiya Komitəsinin 20 illiyinə həsr olunan, Lider tv "Gənclər" redaksiyasi tərəfindən hazirlanan "Hünərin gücü" sənədli filminin beynəlxalq təqdimatı baş tutub. Fiziki məhdudiyyətli Azərbaycan vətəndaşlarının həyat tərzi və əldə etdikləri uğurlardan bəhs edən filmin nümayişini yüksək qiymətləndirilib. "Hünərin gücü"nü başdan sona izləyən tələbələr sırasında erməni tələbələr də olub.

Mərasimdə 7 ölkədən 100-ə yaxın qonaq iştirak edib. Böyük maraqla qarşılanan ekran əsərinin digər ölkəllərdə nümayiş olunması üçün yaradıcı heyyətə müraciət olunub. Milli Paralimpiya Komitəsinin 20 illik yubileyi çərçivəsində "Hünərin gücü" filminin bir sira ölkələrdə nümayişi nəzərdə tutulur. Komitədən verilən məlumata görə, artiq ekran əsərinin bir sira dillərə tərcümə olunmasi istiqamətində işlər aparilir.

Sonda Lider Televiziyası Paralimpiya hərəkatının inkişafına göstərdiyi dəstəyə görə fəxri diplomla mükafatlandırılıb.

Xatırladaq ki, "Hünərin gücü" sənədli filmi Lider Tv "Gənclər" redaksiyası tərəfindən hazırlanıb. Filmin müəllifi Lider tv-nin xəbər aparıcısı Günel Gözəlovadır.


Bütün hüquqlar qorunur.Azərbaycan Paralimpiya Komitəsi.2013